ჩვენი პროგრამები

კურსის მიზანია ახალგაზრდებმა შეისწავლონ, როგორ იქმნება პროდუქტი, დაეუფლონ ბიუჯეტის დაგეგმვისა და ფინანსური გადაწყვეტილებების მიღების ძირითად პრინციპებს და ისწავლონ, როგორ შეიძლება იდეის ეტაპობრივად განვითარება და გარდაქმნა პრაქტიკულ ბიზნეს-ინიციატივად. კურსი მოიცავს როგორც თეორიულ, ისე პრაქტიკულ კომპონენტებს, რაც მონაწილეებს საშუალებას აძლევს, საკუთარი იდეები რეალურ პირობებში შეამოწმონ.

მონაწილეები გაეცნობიან ლიტერატურულ ტექსტებს, საქართველოსა და მსოფლიოსთვის მნიშვნელოვან ისტორიულ მოვლენებს, რაც მათ საშუალებას მისცემს, დამოუკიდებლად გააკეთონ კრიტიკული ანალიზი.

კურსი მოიცავს პრაქტიკულ სავარჯიშოებს პრეზენტაციის უნარების, ეფექტური კომუნიკაციის, გუნდურობისა და ლიდერული უნარების გასაუმჯობესებლად.

ბანაკებში ახალგაზრდები სწავლობენ პასუხისმგებლობას, გუნდურობასა და თვითშემეცნებას სავარჯიშოების, ჯგუფური თამაშებისა და რეფლექსიის სესიების მეშვეობით.

კლუბის საქმიანობაში ჩართულობა აძლევს ახალგაზრდებს შესაძლებლობას, განავითარონ საკუთარი ქალაქისა თუ სოფლის საჭიროებებზე მორგებული პროექტები, მიიღონ მხარდაჭერა მენტორებისა და თანატოლებისგან, რაც მათ ActOn Academy-ის ეკოსისტემის ნაწილად აქცევს.

მონაწილეები სწავლობენ ფასილიტაციის, ჯგუფთან მუშაობისა და მენტორობის პრაქტიკულ უნარებს, ასევე, ეხმარებიან ახალ მონაწილეებს, როგორც თანატოლ-ლიდერები.